Knattspyrnufélagið Stríðsmenn er nýtt félag á Íslandi sem stefnir á þátttöku í 4. deild karla næsta sumar. Stríðsmenn eru með háleit markmið og samkvæmt heimasíðu félagsins er markmiðið að fara beint upp í 3. deild á fyrsta ári sínu.

Á Twitter í gærkvöldi birtist mynd frá Glasgow í Skotlandi þar sem auglýsing frá Stríðsmönnum sést á rusaltunnum í Skotlandi. Þar er verið að auglýsa eftir leikmönnum í allar stöður á vellinum.

„Þénaðu 2000 pund (322 þúsund krónur) eða meira á mánuði með því að vinna og spila á Íslandi," segir efst í auglýsingunni. Á heimasíðu Stríðsmanna kemur fram að félagið borgi leikmönnum ekki laun eða bónusa en það sé tilbúið að hjálpa leikmönnum að fá atvinnu á Íslandi.