Arsenal hafði aðeins unnið fjóra af 13 deildarleikjum sínum áður en Emery var rekinn. Mikel Arteta, fyrrum aðstoðarstjóri Manchester City, tók við af Emery.

Emery er í viðtali við sem birtist í dag. Þar segir hann: „Það voru mörg vandamál: fjórir fyrirliðar; Özil - Kolasinac málið; kaupin á Pepe sem þarf tíma... við spiluðum ekki vel, það er á hreinu."

„Úrslitin voru ekki góð, við bættum okkur ekki, stuðningsmennirnir einbeittu sér að mér og þeir hentu mér í burtu. En ég held jákvæðu hlutunum, þeir voru margir."

Oft á tíðum var Mesut Özil ekki í liðinu hjá Emery. Um það sagði Spánverjinn: „Hann er mjög góður leikmaður, en í ensku úrvalsdeildinni þarftu mikinn líkamlegan styrk."

„Frammistaðan hans er óútreiknanleg. Hann er aðeins fyrir neðan bestu leikmenn í heimi í augnablikinu."

„Stundum spilar Arsenal betur með hann í liðinu, en stundum skiptir hann ekki sköpum fyrir liðið."

Arsenal er þessa stundina í tíunda sæti ensku úrvalsdeildarinnar.