Haaland hefur farið ótrúlega vel af stað með Dortmund og hélt þessi magnaða byrjun hans áfram í dag, en hann skoraði tvennu í 5-0 sigri á Union Berlin.

Julian Brandt lagði bæði mörk Haaland upp, það fyrra með góðri fyrirgjöf og það seinna með hælsendingu. Haaland er því kominn með sjö mörk í fyrstu þremur leikjum sínum í þýsku deildinni. Hann er í tíunda sæti yfir markahæstu leikmenn deildarinnar.

Jadon Sancho átti einnig góðan leik þar sem hann skoraði og gaf stoðsendingu. Dortmund er í þriðja sæti eftir sigurinn, þremur stigum eftir toppliði FC Bayern.

Borussia Dortmund 5 - 0 Union Berlin
1-0 Jadon Sancho ('13 )
2-0 Erling Haaland ('18 )
3-0 Marco Reus ('68 , víti)
4-0 Axel Witsel ('70 )
5-0 Erling Haaland ('76 )

Alfreð Finnbogason er þá búinn að jafna sig eftir axlarmeiðsli og fékk hann að spila seinni hálfleikinn í leik Augsburg gegn Werder Bremen.

Staðan var 0-1 í leikhlé en Alfreð og félagar voru mun betri í síðari hálfleik og sneru leiknum við. Alfreð lagði upp sigurmarkið fyrir Ruben Vargas með geggjaðri hælsendingu á 82. mínútu.

Augsburg er í níunda sæti eftir sigurinn, átta stigum frá Evrópusæti.

Augsburg 2 - 1 Werder Bremen
1-0 Tin Jedvaj ('23 , sjálfsmark)
2-0 Florian Niederlechner ('67 )
3-0 Ruben Vargas ('82 )

FC Bayern náði þá toppsæti deildarinnar af RB Leipzig sem á leik til góða síðar í dag.

Robert Lewandowski, Thomas Müller og Thiago Alcantara gerðu mörkin í fyrri hálfleik á útivelli gegn Mainz.

Mainz 1 - 3 Bayern
0-1 Robert Lewandowski ('8 )
0-2 Thomas Muller ('14 )
0-3 Thiago Alcantara ('26 )
1-3 Jeremiah St Juste ('45 )

Hoffenheim er þá að blanda sér í Evrópubaráttuna með sigri á sterku liði Bayer Leverkusen á meðan Eintracht Frankfurt rétt náði að gera jöfnunarmark í uppbótartíma gegn fallbaráttuliði Fortuna Düsseldorf.

Hoffenheim 2 - 1 Bayer Leverkusen
0-1 Moussa Diaby ('11 )
1-1 Andrej Kramaric ('23 )
2-1 Robert Skov ('65 )
Rautt spjald: Kerem Demirbay, Leverkusen ('92)

Fortuna Dusseldorf 1 - 1 Eintracht Frankfurt
1-0 Kaan Ayhan ('78 )
1-1 Timothy Chandler ('93)

Stöðutöfluna er hægt að sjá hér fyrir neðan. Það getur tekið tíma fyrir hana að uppfærast.