Fótbolti.net

Sterkastur í 3. umferð - Ætla rétt að vona það

Jói Kalli: Klárt að það er eitthvað sem við erum að gera rangt

Adam Páls: Var bara kominn tími á að borga til baka

„Kemur að leiknum sem við fáum á okkur minna en tvö mörk“

Sölvi hefur engar áhyggjur af sektum vegna blysa - „Voru einhverjir Blikar í Kópavoginum“

Samúel Kári: Á endanum verður maður líka að hugsa um sjálfan sig

Hemmi hæstánægður með stórsigurinn „Það mega allir halda áfram að blaðra og bulla"

Óskar búinn að æfa skallana - „Þeir eiga ekkert að gleyma mér“

Fyrsta markið fyrir Þór var sérstakt - „Hef skorað mörk hægri vinstri í Noregi"

Siggi Höskulds eftir stóran dag: Ein flottasta varsla sem ég hef séð

Hundóánægður með hugarfar Eyjamanna - „Margir höfðu ekki áhuga á að verjast“

Þurfa að endurmeta undirbúninginn - „Getum ekki boðið fólki upp á þetta"

Aron Sig: Þá er þetta dautt

Óskar Hrafn: Vona að það styttist í að menn haldi einbeitingu í 90 mínútur

Haraldur Freyr um völlinn: Hefur bara hellings áhrif

Stefan Ljubicic: Bara teipað og tvær til þrjár verkjatöflur

Óli ekki með miklar áhyggjur af bitleysi Blika - „Eigum eftir að laga þetta“

Stubbur: Jú jú, það var eitthvað að gera

Haddi: Fer ánægður með stigið norður

Lárus Orri: Hann hlýtur að vera í liði umferðarinnar

mán 01. apríl 2024 23:47

Sölvi Haraldsson

Fyrirliðinn spenntur fyrir tímabilinu - „Verður mun jafnari deild en í fyrra“

Pablo reynir að stoppa Gylfa Sigurðsson í leiknum í kvöld.

Mynd: Fótbolti.net - Hafliði Breiðfjörð

„Mér fannst við stjórna leiknum. Sama eftir að Halli (Halldór Smári) fær rautt spjald. Þeir fá ekki færi til að skora og við fengum mörg færi til að klára leikinn. En gott að fá þennan sigur í kvöld.“ sagði Pablo Punyed, fyrirliði Víkinga, eftir sigur í kvöld gegn Valsmönnum í vítaspyrnukeppni í Meistarakeppni KSÍ.

Lestu um leikinn: Víkingur R. 5 - 3 Valur

Halldór Smári fékk rautt spjald í seinni hálfleik og verður í banni gegn Stjörnunni næstu helgi í opnunarleik Bestu deildarinnar. Pablo segist ekki hafa séð tæklingu Halldórs.

„Ég sá þetta ekki. En mér fannst vera brotið á mér á undan svo ég get ekki svarað fyrir það. Við vorum vel skipulagðir og þeir náðu aldrei að brjóta okkur niður eftir að við fáum rautt spjald. En leikir breytast alltaf eftir rauð spjöld.“

Pablo er á þeirri skoðun að Valur og Víkingur R. séu tvö bestu lið landsins.

„Já mér finnst það. Þeir eru með gæði út um allt. Á bekknum líka og jafnvel ekki í hóp. Þeir geta stillt upp tveimur liðum. Ég tel að deildin í ár verði mun jafnari en hún hefur verið og bara hörkubarátta.“

Pablo segir það hafa verið gaman að mæta Gylfa Sig í kvöld og að það hafi mótiverað menn í nokkrar sekúndur að sjá hann á leikskýrslunni.

„Það var mjög gaman að spila á móti honum. Það mótiveraði menn kannski í nokkrar sekúndur en síðan ertu á kominn á þann stað að þú ert að undirbúa þig fyrir leik.“

Besta deildin verður jafnari, erfiðari og mjög skemmtileg í ár ef marka má Pablo Punyed.

„Hún verður mjög skemmtileg. Ég held að það verða sex til sjö lið sem munu berjast um titla í sumar. Þetta verður mjög skemmtileg og ég get ekki beðið. Þetta verður mun jafnari deild en í fyrra.“

Pablo segir að það sé mikil tilhlökkun í Víkinni fyrir fyrsta leik Bestu deildarinnar gegn Stjörnunni næstu helgi.

„Við erum spenntir. Fyrsti leikur á móti eru alltaf erfiðir leikir og við höfum fengið Stjörnuna nokkrum sinnum. En við erum mjög peppaðir fyrir þeim leik.“ sagði Pablo Punyed, fyrirliði Víkinga, að lokum eftir sigur Víkinga í vítaspyrnukeppni á Val í kvöld.