Bolton tók forystuna í leiknum eftir 15 mínútur en Exeter jafnaði metin í byrjun seinni hálfleiks. Staðan var jöfn alveg fram á 96. mínútu en þá skoraði Exeter sigurmarkið í leiknum. Gríðarleg dramatík en mjög svo mikilvægt fyrir Exeter.

Exeter er í baráttunni um að komast í umspilið. Liðið er einu stigi frá umspilinu þegar ein umferð er eftir af deildinni. Exeter mætir Barrow, sem er fimm stigum frá fallsæti, í lokaumferðinni um næstu helgi og þarf sigur þar.

Jökull, sem er 19 ára, er á láni hjá Exeter frá Reading. Hann hefur átt frábært tímabil og unnið hug og hjörtu stuðningsmanna Exeter.

Í ensku C-deildinni var Daníel Leó Grétarsson ekki með Blackpool í 0-3 útisigri gegn Northampton. Daníel Leó hefur átt erfitt uppdráttar með meiðsli á tímabilinu. Blackpool er með þessum sigri búið að tryggja sér sæti í umspilinu.