„Mér líður mjög vel með að hafa unnið þennan leik, mér líður vel með karakterinn sem aða við sýndum það er ekki létt verk og ég held að það hafi ekki margir snúið tapstöðu í sigurstöðu á móti Vestra í sumar."
Lestu um leikinn: KR 2 - 1 Vestri
„Leikurinn spilaði nokkurveigin eins og ég bjóst við, við vorum meira með boltann en fannst við hægir í spilinu og full mikið af feilsendingum en mér fannst við vera sterkir varnarlega í dag."
„Ef einhverjir eru að bíða eftir því að Vestri verði ekki í efri hlutanum að þá held ég að þeir geti beðið lengi, orðið gráhærðir og skeggjaðir á meðan."
„Það er auðvitað bara mjög mikilvægt fyrir okkur. Atli Sigurjónsson átti náttúrulega ekki að spila þennan leik og er hálfmeiddur, en einhvern vegin þvingaði hann sig inn í hópinn í gær. Það er sérstaklega mikilvægt að fá framlag frá sem flestum því við erum með níu menn á meiðslalista og hvert framlag telur og það taldi svo sannarlega í dag."
Stóra atvikið í leiknum og það sem allir eru að tala um er að Daði Berg Jónsson skoraði löglegt mark og átti ef allt hefði verið eðlilegt að koma Vestra í tveggja markaforystu en flaggið fór á loft. Sjónvarpsendursýningar sýna að Aron Þóður Albertsson spilaði Daða réttstæðan.
„Ef það var ekki rangstæða þá getum við sagt það að verkefnið hefði orðið töluvert erfiðara, ég ætla ekki að segja að við hefðum ekki geta snúið þess við þótt staðan hefði verið 2-0 en verkefnið hefði verið erfiðara."
