Malacia er 22 ára gamall og spilað með Feyenoord allan sinn feril en hann var á leið til franska félagsins Lyon áður en United kom með tilboð á elleftu stundu.

Feyenoord samþykkti 15 milljón punda tilboð United og hefur leikmaðurinn náð samkomulagi við félagið um kaup og kjör.

Ítalski blaðamaðurinn Fabrizio Romano segir að samkomulag sé í höfn og að kaupin verði staðfest á næstu dögum.

„Here We Go," sagði Fabrizio sem svo gott sem staðfestir kaup United.

Þetta verða fyrstu kaup Erik ten Hag en hann tók við liðinu í síðasta mánuði eftir að hafa stýrt Ajax síðustu ár.