Gueye gekk fyrst í raðir Everton sumarið 2016. Félagið nýtti sér söluákvæði sem var í samningi leikmannsins hjá Aston Villa sem féll úr úrvalsdeildinni.
Idrissa Gana Gueye er staddur í Liverpool þessa stundina þar sem hann gengst undir læknisskoðun til að ganga aftur í raðir Everton.
Gueye er 32 ára miðjumaður frá Senegal sem var lykilmaður hjá Everton áður en félagið seldi hann til Paris Saint-Germain fyrir þremur árum.
Gueye spilaði 111 leiki hjá PSG en er ekki í áformum nýráðna þjálfarans, Christophe Galtier, og með aðeins eitt ár eftir af samningnum við félagið.
Leikmaðurinn er talinn taka á sig launalækkun til að ganga í raðir Everton en kaupverðið er óljóst, þó það ætti ekki að nema meira en 10 milljónum evra.
PSG borgaði rúmlega 30 milljónir evra fyrir Gueye sumarið 2019.
Athugasemdir