Leikurinn hófst klukkan 19:30 en aðeins þrettán mínútum síðar var leikurinn stöðvaður. Leikmenn gengu til búningsherbergja og er beðið eftir frekari fregnum.

Samkvæmt upplýsingum frá enskum fjölmiðlum þá fór áhorfandi í hjartastopp og voru bráðaliðar kallaðir til. Marcos Alonso, leikmaður Chelsea, var sá fyrsti sem áttaði sig á atvikinu eftir að stuðningsmenn höfðu kallað til hans og náði hann að koma bráðaliðum af stað.

Þetta er í annað sinn á stuttum tíma sem áhorfandi fær hjartaáfall á leik í ensku úrvalsdeildinni en þetta gerði einnig í leik Tottenham og Newcastle í október.

Stuðningsmaðurinn, Alan George Smith, er á batavegi og er vonandi að niðurstaðan verði sú sama í kvöld.