Danski þjálfarinn Thomas Frank snéri aftur á hliðarlínuna í Brentford í fyrsta sinn síðan hann yfirgaf félagið síðasta sumar til að taka við nágrönnunum í Tottenham.
Tottenham heimsótti Brentford í gærkvöldi og úr varð jafn leikur sem lauk með markalausu jafntefli. Aðeins eitt stig skilur liðin að um miðja úrvalsdeild, þar sem Brentford er fyrir ofan Tottenham þegar tímabilið er hálfnað.
„Þetta var mjög sérstök og ánægjuleg stund að koma aftur hingað en um leið og dómarinn flautaði leikinn á var ég ekki einbeittur að neinu öðru en að reyna að sigra. Við sköpuðum ekki nóg af færum en ég er ánægður með varnarleikinn, við gáfum ekki mörg færi á okkur. Við gerðum samt alltof mikið af mistökum með boltann," sagði Frank við fréttamenn eftir lokaflautið.
„Við vörðumst mjög vel en vorum ekki nægilega góðir í sóknarleiknum. Við vorum líka að spila gegn sterkum andstæðingum sem hafa meðal annars unnið heimaleiki gegn Liverpool, Man Utd, Newcastle og Aston Villa á fyrri hluta tímabils."
Brentford er með 2,1 stig að meðaltali á leik á heimavelli það sem af er tímabils en aðeins 0,67 stig á leik á útivelli.
Þessu er öfugsnúið hjá Tottenham þar sem lærlingar Frank eru aðeins að fá um 0,89 stig á leik á heimavelli en þeir eru meðal allra bestu liða úrvalsdeildarinnar á útivelli - með 1,8 stig á leik.
„Þetta er eitthvað sem við þurfum að vinna í. Við verðum að gera betur á heimavelli."
Frank var meðal annars spurður út í tæklingu fyrirliða síns Cristian Romero á Igor Thiago, framherja Brentford, snemma í fyrri hálfleik. Brentford vildi sjá Andy Madley dómara dæma aukaspyrnu og rautt spjald fyrir brot sem aftasti maður, en Madley lét leikinn fljóta áfram.
„Mér fannst þetta vera 50/50 með tæklinguna hjá Romero alveg eins og þetta var 50/50 þegar Archie Gray var felldur skömmu síðar. Í bæði skiptin eru þetta atvik sem VAR-herbergið myndi ekki snúa ákvörðun dómarans við ef hann dæmir brot í rauntíma."
Daninn var að lokum spurður út í áform Tottenham á leikmannamarkaðinum í janúar og viðurkenndi um leið að Brennan Johnson er að ganga frá félagaskiptum til Crystal Palace.
„Við ætlum að gera okkar besta til að styrkja leikmannahópinn í janúar."
01.01.2026 23:14
Myndband: Brentford vildi rautt spjald og Tottenham vítaspyrnu
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 22 | 15 | 5 | 2 | 40 | 14 | +26 | 50 |
| 2 | Man City | 22 | 13 | 4 | 5 | 45 | 21 | +24 | 43 |
| 3 | Aston Villa | 22 | 13 | 4 | 5 | 33 | 25 | +8 | 43 |
| 4 | Liverpool | 22 | 10 | 6 | 6 | 33 | 29 | +4 | 36 |
| 5 | Man Utd | 22 | 9 | 8 | 5 | 38 | 32 | +6 | 35 |
| 6 | Chelsea | 22 | 9 | 7 | 6 | 36 | 24 | +12 | 34 |
| 7 | Brentford | 22 | 10 | 3 | 9 | 35 | 30 | +5 | 33 |
| 8 | Newcastle | 22 | 9 | 6 | 7 | 32 | 27 | +5 | 33 |
| 9 | Sunderland | 22 | 8 | 9 | 5 | 23 | 23 | 0 | 33 |
| 10 | Everton | 22 | 9 | 5 | 8 | 24 | 25 | -1 | 32 |
| 11 | Fulham | 22 | 9 | 4 | 9 | 30 | 31 | -1 | 31 |
| 12 | Brighton | 22 | 7 | 9 | 6 | 32 | 29 | +3 | 30 |
| 13 | Crystal Palace | 22 | 7 | 7 | 8 | 23 | 25 | -2 | 28 |
| 14 | Tottenham | 22 | 7 | 6 | 9 | 31 | 29 | +2 | 27 |
| 15 | Bournemouth | 22 | 6 | 9 | 7 | 35 | 41 | -6 | 27 |
| 16 | Leeds | 22 | 6 | 7 | 9 | 30 | 37 | -7 | 25 |
| 17 | Nott. Forest | 22 | 6 | 4 | 12 | 21 | 34 | -13 | 22 |
| 18 | West Ham | 22 | 4 | 5 | 13 | 24 | 44 | -20 | 17 |
| 19 | Burnley | 22 | 3 | 5 | 14 | 23 | 42 | -19 | 14 |
| 20 | Wolves | 22 | 1 | 5 | 16 | 15 | 41 | -26 | 8 |
Athugasemdir
