Bergsveinn Ólafsson, fyrirliði Fjölnis í Pepsi Max-deild karla, var gestur í útvarpsþætti Fótbolta.net en hann var þar ásamt Hannesi Þór Halldórssyni og ræddu þeir æfingar, launaskerðingu og fleira áhugavert í samkomubanninu.
Leikmenn Vals hafa samþykkt að taka á sig launalækkun út þetta ár og hafa leikmenn og starfsfólk annarra félaga tekið í sama dúr.
Stjórn Fjölnis hefur þegar rætt við leikmenn liðsins og var ánægður með þann fund en allt var lagt á borðið og segir hann að leikmenn og stjórn hafi náð góðri lendingu varðandi launakostnað.
Ljóst er að þetta rekstrarár verður þungt hjá íþróttafélögum á Íslandi vegna kórónaveirunnar og taka menn því höndum saman hjá félögunum til að leysa vandamálin.
„Það er búið að gera það og ánægður með heiðarleikann sem var þar á borði og hvernig þeir nálguðust þetta. Við erum með það ungan hóp að það er ekkert svakalegur launakostnaður þar en það er búið að tala við okkur og góð lending á því og allir sammála um það að hjálpast að með þetta," sagði Bergsveinn í þættinum.
Athugasemdir