Íslenski landsliðsmaðurinn Guðmundur Þórarinsson og félagar hans í gríska liðinu OFI Crete eru í góðum málum í fallriðli grísku úrvalsdeildarinnar eftir 1-0 sigurinn á Giannina í dag.
Guðmundur var eins og venjulega í byrjunarliði OFI Crete og spilaði allan leikinn.
Eina mark leiksins gerði Eric Larsson eftir tuttugu mínútur og þýðir það að Crete er í öðru sæti fallriðilsins með 30 stig.
Liðið er nú níu stigum frá fallsæti og hefur því komið sér í ágæta stöðu fyrir lokakaflann í deildinni.
Guðmundur hefur spilað 22 deildarleiki á tímabilinu og lagt upp fjögur.
Athugasemdir