Þann fjórða maí fer næsta þrep af stað í baráttu Ítala gegn kórónuveirunni. Þá getur fólk byrjað að fara meira út og opnað verður um fjórðung búða og veitingahúsa landsins.

Upprunalega áttu æfingar knattspyrnufélaga að hefjast 4. maí og er Acerbi ekki sáttur með breytinguna.

„Ég vil ekki lenda í neinum deilum en mér finnst eitthvað mjög skrýtið við þetta allt saman. Við megum fara út að hlaupa í almenningsgörðum þar sem mikið er af fólki en ekki á æfingasvæðum þar sem er auðveldara að halda sig frá næsta manni?" segir Acerbi.

„Við skiljum ekkert í þessari ákvörðun og ég held að ég tali fyrir hönd alls knattspyrnu- og íþróttafólks þegar ég segi það.

„Það er hægt að æfa án þess að brjóta reglurnar, ég sé enga ástæðu fyrir því að það ætti ekki að vera hægt. Ég er ekki að reyna að skapa til deilna, ég vil bara skilja rökin sem liggja að baki þessari ákvörðun."

Paulo Fonseca, þjálfari Roma, hafði nákvæmlega sömu hluti að segja.

„Ég skil ekki hvers vegna við megum hlaupa um í smekkfullum almenningsgörðum en ekki æfa í Trigoria (æfingasvæði Roma) þar sem auðveldara er að halda fjarlægð. Við erum með þrjá velli á æfingasvæðinu okkar, það er miklu betra heldur en að fara í almenningsgarð," sagði Fonseca meðal annars.