Dani Alves, fyrrum leikmaður Barcelona, hefur sagt Lionel Messi að yfirgefa Barcelona ekki þegar sumarglugginn opnar.

Messi gæti verið á förum frá spænska félaginu en hann hefur leikið þar allan sinn feril. Messi var nálægt því að fara síðasta sumar.

Alves ákvað að yfirgefa Barcelona árið 2016 en hafði íhugað að gera það töluvert fyrr. Þá fékk hann orð í eyra frá Messi sem sagði honum að vera um kyrrt.

„Hann hefur gefið mér ráð áður svo ég get gert það sama. Hann sagði mér að vera áfram hjá Barcelona og að það væri ekki til betri staður. Hvar yrði ég ánægðari?" sagði Alves.

„Nú er ég búinn að minna á það samtal og að góður vinur minn hafi sagt mér að Barcelona sé besti staðurinn. Ég hef ekki fengið svar frá honum ennþá en þegar þú yfirgefur Barcelona þá áttarðu þig á því hversu góður staður það er."

„Allir leikmenn og þá meina ég allir sem hafa yfirgefið Barcelona sjá eftir því."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit