02.09.24 - 18:35
Brynjar Ingi Erluson
Chiesa ekki í ítalska landsliðinu - Einbeitingin sett á Liverpool
Mynd: Liverpool
Mynd: Liverpool
Federico Chiesa, nýr leikmaður Liverpool, var ekki valinn í ítalska landsliðshópinn sem tekur þátt í Þjóðadeildinni í þessum mánuði, en Luciano Spalletti, þjálfari landsliðsins, hefur útskýrt ákvörðun sína.
Liverpool festi kaup á Chiesa frá Juventus fyrir rúmar 10 milljónir punda undir lok gluggans.
Ítalski vængmaðurinn hafði ekkert komið við sögu í leikjum Juventus á undirbúningstímabilinu og því ekki í leikformi.
Spalletti ætlaði sér samt að velja Chiesa í landsliðshópinn, en hætti við eftir að hafa rætt við leikmanninn.
„Ég og Chiesa töluðum saman og tókum sanngjarnt mat á stöðunni. Ég hefði fengið hann inn sem aukaleikmenn, en hann hefði ekki verið með í leikjunum,“ sagði Spalletti.
„Hann sagði mér að hann hafði rætt við nýja félagið og þyrfti að fara í sérstaka undirbúningsvinnu með liðinu,“ sagði hann enn fremur.
Chiesa var ekki með Liverpool gegn Manchester United um helgina, en ætti að vera klár eftir landsleikjatörnina.
Ítalski vængmaðurinn hafði ekkert komið við sögu í leikjum Juventus á undirbúningstímabilinu og því ekki í leikformi.
Spalletti ætlaði sér samt að velja Chiesa í landsliðshópinn, en hætti við eftir að hafa rætt við leikmanninn.
„Ég og Chiesa töluðum saman og tókum sanngjarnt mat á stöðunni. Ég hefði fengið hann inn sem aukaleikmenn, en hann hefði ekki verið með í leikjunum,“ sagði Spalletti.
„Hann sagði mér að hann hafði rætt við nýja félagið og þyrfti að fara í sérstaka undirbúningsvinnu með liðinu,“ sagði hann enn fremur.
Chiesa var ekki með Liverpool gegn Manchester United um helgina, en ætti að vera klár eftir landsleikjatörnina.
