Manchester City miissti toppsætið til Liverpool í dag þegar liðið tapaði gegn Bournemouth.
Það eru mikil meiðslavandræði í hópnum en Kyle Walker var í byrjunarliðinu í dag þrátt fyrir að hafa ekkert æft að undanförnu.
Pep Guardiola sagði að hann hafi aðeins tekið þátt í sex mínútur á æfingu í gær en það var í fyrsta sinn sem hann æfði eftir landsleikjahléið um miðjan október.
Þá sagði Guardiola að Ruben Dias og John Stones verði líklega ekki með í næstu tveimur leikjum liðsins fram að næsta landsleikjahléi.
Guardiola hrósaði Bournemouth eftir tapið.
„Þetta var opinn leikur. Við fengum tækifæri í lokin en ég óska Bournemouth til hamingju með sigurinn. Þeir eru svo aggressívir, vinna bolta á miðjunni og einvigin. Þeir fengu sex til sjö daga til að undirbúa sig. Þeir eru með líkamlegan styrk og hraða en við verðum að vinna svona baráttu."
