Ísak Snær Þorvaldsson er að ganga í raðir Breiðabliks frá Norwich. Þetta herma heimildir Fótbolta.net.
Ísak er tvítugur miðjumaður sem lék með ÍA að láni frá Norwich síðasta sumar og seinni hluta sumarsins 2020. Hann er uppalinn hjá Aftureldingu en fór ungur út til Englands.
Ísak er tvítugur miðjumaður sem lék með ÍA að láni frá Norwich síðasta sumar og seinni hluta sumarsins 2020. Hann er uppalinn hjá Aftureldingu en fór ungur út til Englands.
Viðræður hafa verið í gangi í um einn og hálfan mánuð en nú er allt frágengið og það eina sem eftir er að tilkynna hann sem nýjan leikmann Breiðabliks. Ísak lék með Breiðabliki í Bose-bikarnum í nóvember/desember.
Ísak átti fínasta tímabil með ÍA, óx ásmegin eftir því sem leið á tímabilið, skoraði þrjú mörk í tuttugu deildarleikjum og hjálpaði ÍA að komast í úrslit Mjólkurbikarsins.
Athugasemdir
