03.01.23 - 14:00
Sæbjörn Þór Þórbergsson Steinke
Freysi að missa lykilmann til Bodö/Glimt - Tveir farnir
Freyr Alexandersson.
Mynd: Getty Images
Freyr Alexandersson.
Mynd: Getty Images
Lyngby er nýliði í dönsku Superliga og hefur misst tvo leikmenn í janúarglugganum. Þá er einn allra besti leikmaður liðsins, bakvörðurinn Adam Sörensen, á leið til norska félagsins Bodö/Glimt.
Þeir leikmenn sem eru farnir eru Timo Letschert og Emil Nielsen. Letschert hefur skrifað undir hjá Gwangju FC í Suður-Kóreu. Letschert er 29 ára miðjumaður sem gekk í raðir Lyngby í október og lék fimm síðustu leikina fyrir vetrarfrí.
Þeir leikmenn sem eru farnir eru Timo Letschert og Emil Nielsen. Letschert hefur skrifað undir hjá Gwangju FC í Suður-Kóreu. Letschert er 29 ára miðjumaður sem gekk í raðir Lyngby í október og lék fimm síðustu leikina fyrir vetrarfrí.
Nielsen er 29 ára sóknarmaður sem skrifar undir hjá Orange County í Bandaríkjunum. Nielsen lék níu leiki fyrir Lyngby á tímabilinu, var í stóru hlutverki í byrjun tímabils.
Lyngby fær samkvæmt bold um eina milljón evra fyrir Sörensen sem er uppalinn hjá félaginu. Hann er 22 ára og á að baki leiki með yngri landsliðum Danmerkur. Á síðasta tímabili var hann valinn besti leikmaður liðsins þegar það tryggði sér sæti í efstu deild.
Lyngby er í botnsæti Superliga með átta stig eftir sautján leiki. Liðið er þrettán stigum á eftir Bröndby sem er í tíunda sæti deildarinnar, síðasta örugga sætinu. Fimmtán umferðir eru eftir af tímabilinu. Freyr Alexandersson, fyrrum þjálfari kvennalandsliðsins og fyrrum aðstoðarþjálfari karlalandsliðsins, er þjálfari Lyngby.
Lyngby fær samkvæmt bold um eina milljón evra fyrir Sörensen sem er uppalinn hjá félaginu. Hann er 22 ára og á að baki leiki með yngri landsliðum Danmerkur. Á síðasta tímabili var hann valinn besti leikmaður liðsins þegar það tryggði sér sæti í efstu deild.
Lyngby er í botnsæti Superliga með átta stig eftir sautján leiki. Liðið er þrettán stigum á eftir Bröndby sem er í tíunda sæti deildarinnar, síðasta örugga sætinu. Fimmtán umferðir eru eftir af tímabilinu. Freyr Alexandersson, fyrrum þjálfari kvennalandsliðsins og fyrrum aðstoðarþjálfari karlalandsliðsins, er þjálfari Lyngby.
