Rodrygo: Modric er mér eins og faðir

Brasilíumaðurinn var maðurinn á bakvið endurkomu Madrídinga í undanúrslitum Meistaradeildarinnar gegn Manchester City er hann skoraði tvö mörk undir lokin í seinni leiknum og kom liðinu í framlengingu.

Real Madrid vann síðan Meistaradeildina (Evrópukeppni meistaraliða) í 14. sinn í sögu félagsins, en ekkert félag hefur unnið keppnina jafnoft og Madrídarfélagið.

Luka Modric, sem hefur unnið keppnina fimm sinnum með Barcelona, hefur hjálpað Rodrygo mikið og miðlað reynslu sinni og kann sá brasilíski að meta það.

„Hann hjálpar mér mikið. Þegar hann er á vellinum þá er miklu auðveldara að spila, því gæðin eru svo mikil. Hann er mér eins og faðir," sagði Rodrygo við heimasíðu félagsins.