Lið og leikmaður 15. umferðar - Loksins vaknar hann

Hermann Hreiðarsson þjálfari ÍBV skilaði þriðja sigrinum í röð í hús þegar Eyjamenn unnu 2-1 sigur gegn Njarðvík í Þjóðhátíðarleiknum. Oliver Heiðarsson skoraði bæði mörk Eyjamanna og Vicente Valor var geggjaður á miðsvæðinu.

ÍBV saxaði á forskot Fjölnis sem gerði markalaust jafntefli gegn Þrótti. Þróttarinn Viktor Steinarsson var valinn maður leiksins í Laugardalnum.

Varnarmaðurinn Ásgeir Helgi Orrason sem er á láni frá Breiðabliki var maður leiksins þegar Keflavík vann 3-2 sigur gegn Þór. Keflvíkingar eru komnir upp í fjórða sæti eftir fjóra sigra í röð.

Franko Lalic markvörður botnliðs Dalvíkur/Reynis er í úrvalsliðinu eftir 1-1 jafntefli gegn ÍR en Dalvíkingar léku stærstan hluta leiksins manni færri. Marteinn Theodórsson er fulltrúi ÍR í liðinu.

Hrannar Snær Magnússon var valinn maður leiksins þegar Afturelding komst nær umspilinu með 3-0 sigri gegn Grindavík sem hefur tapað fjórum leikjum í röð. Elmar Kári Enesson Cogic er einnig í úrvalsliðinu.

Fyrri úrvalslið:
14. umferð - Sverrir Páll Hjaltested (ÍBV)
13. umferð - Dominik Radic (Njarðvík)
12. umferð - Birkir Heimisson (Þór)
11. umferð - Marc McAusland (ÍR)
10. umferð - Elmar Kári Cogic (Afturelding)
9. umferð - Aron Dagur Birnuson (Grindavík)
8. umferð - Oliver Heiðarsson (ÍBV)
7. umferð - Baldvin Þór Berndsen (Fjölnir)
6. umferð - Máni Austmann Hilmarsson (Fjölnir)
5. umferð - Oumar Diouck (Njarðvík)
4. umferð - Arnar Daníel Aðalsteinsson (Grótta)
3. umferð - Sami Kamel (Keflavík)
2. umferð - Oliver Heiðarsson (ÍBV)
1. umferð - Vilhelm Þráinn Sigurjónsson (ÍR)