„Þetta er spennandi. Það er fínt að fara að byrja þetta," sagði Jón Dagur Þorsteinsson, leikmaður U21 árs landsliðsins, um leikinn gegn Albaníu í undankeppni EM en liðin eigast við á Víkingsvelli klukkan 17:00 á morgun.
„Við höfum spilað saman í U17 og U19. Þetta er flottur hópur og við þekkjumst vel."
Jón Dagur er á mála hjá Fulham en hann kom til félagsins frá HK fyrir tveimur árum síðan.
„Ég er núna að spila með varaliðinu og það hefur gengið mjög vel. Ég vonast til að fá tækifæri með aðalliðinu á næstunni," sagði Jón Dagur.
„Ég held að þetta hafi verið gott skref fyrir mig á sínum tíma. Ég hef bætt mig mikið sem fótboltamaður og persóna. Það er meiri harka og læti á Englandi og ég hef mjög gaman að því."
Hér að ofan má sjá viðtalið í heild sinni.
Athugasemdir
