Roy Hodgson, stjóri Crystal Palace, býst ekki við því að vængmaðurinn Wilfried Zaha sé á förum frá félaginu áður en glugginn lokar á mánudag.
Zaha hefur sjálfur alltaf verið opinn fyrir brottför frá Palace en Arsenal er á meðal þeirra sem hafa sýnt áhuga.
Það er þó rólegt á skrifstofunni hjá Palace þessa dagana og er útlit fyrir að Zaha verði áfram í herbúðum félagsins.
„Mér hefur verið sagt og ég held að Wilf sé fastur á því að við höfum ekki áhuga á tilboðum undir lok gluggans," sagði Hodgson.
„Ef það myndi gerast þá þyrftum við að fá tíma til að ákveða hvað við gætum gert við peningana."
„Það styttist í gluggalok og ég vona innilega að þetta gerist ekki núna og vil halda áfram að vinna með honum."
Athugasemdir