Kristófer Ingi Kristinsson skoraði í gær fyrir varalið PSV í hollensku B-deildinni.
PSV II mætti Telstar og var Kristófer í byrjunarliði PSV. Staðan var markalaus í hálfleik en PSV tók forystuna á 57. mínútu. Þremur mínútum síðar skoraði Kristófer annað mark sinna manna.
Garðbæingurinn var tekinn af velli stuttu eftir mark sitt en leikurinn endaði með 3-0 sigri PSV.
Varalið PSV er í sjöunda sæti hollensku B-deildarinnar en liðið getur ekki unnið sér þáttökurétt í hollensku úrvalsdeildinni þar sem aðallið félagsins spilar þar.
Kristófer er 21 árs gamall og gekk hann í raðir PSV í sumar. Markið í gær var hans fyrsta mark fyrir félagið.
Kristófer var í gær U21 landsliðshóp Íslands.
Athugasemdir