Berglind Björg eftir leikinn í kvöld.
Berglind var vægast sagt ánægð með sigurinn.
„Tilfinningin er fáránlega góð. Ég er svo ánægð með þennan sigur og að loksins vinna þennan titil," sagði Berglind Björg Þorvaldsdóttir, sóknarmaður Breiðabliks, eftir að liðið varð Íslandsmeistari í kvöld.
Breiðablik lagði Víking að velli á Kópavogsvelli og tryggði sér þar með titilinn.
Breiðablik lagði Víking að velli á Kópavogsvelli og tryggði sér þar með titilinn.
Lestu um leikinn: Breiðablik 3 - 2 Víkingur R.
Berglind varð síðast Íslandsmeistari með Breiðabliki 2020 í Kórónuveirufaraldrinum. Þessi titill er öðruvísi, svo sannarlega.
„Jú, guð. Ég held að við höfum verið heima í stofu þegar við unnum þann titil. Þetta er bara geggjað," sagði Berglind.
Berglind gerði sigurmarkið í leiknum í kvöld en hún er núna búin að gera 23 mörk í 20 leikjum í Bestu deildinni í sumar.
„Það er frábær tilfinning, geggjaður bolti frá Andreu þarna," sagði Berglind en það er spurning hvort Andrea hafi verið að reyna að skjóta í undirbúningnum.
„Þú verður eiginlega að spyrja hana! Ég var allavega fyrir og boltinn fór inn."
Berglind hefur átt magnað sumar. Er hún eitthvað farin að skoða framhaldið, jafnvel farin að hugsa aftur um atvinnumennsku?
„Ég er bara að hugsa um að klára þetta tímabil. Ég er samningslaus í nóvember og það kemur í ljós hvað gerist," sagði Berglind að lokum.
Allt viðtalið má sjá í spilaranum hér að ofan.
