Samantha Smith fagnar hér með Birtu Georgsdóttur í kvöld.
Breiðablik varð Íslandsmeistari í kvöld.
„Tilfinningin er frábær. Ég er svo ánægð að vera hluti af þessu liði og þessu félagi," sagði Samantha Smith, leikmaður Breiðabliks, eftir 3-2 sigur gegn Víkingi í Bestu deildinni í kvöld.
Samantha er Íslandsmeistari annað árið í röð með Blikum en hún hefur átt tvö ótrúleg ár á Íslandi.
Samantha er Íslandsmeistari annað árið í röð með Blikum en hún hefur átt tvö ótrúleg ár á Íslandi.
Lestu um leikinn: Breiðablik 3 - 2 Víkingur R.
„Ég er bara svo ánægð að vera hérna. Þetta er súrrealískt. Ég fann það frá byrjun að það væri eitthvað sérstakt í uppsiglingu og ég veit að hinum stelpunum leið líka þannig. Þetta er magnaður hópur af stelpum og við spilum svo vel saman."
Hún er gríðarlega ánægð núna að hafa tekið annað árið á Íslandi. Þetta eru hennar fyrstu ár í atvinnumennsku eftir að hún kláraði að spila í háskólaboltanum í Bandaríkjunum.
„Ég var svo spennt þegar ég skrifaði undir að koma aftur. Þetta er frábær staður að vera á, ég elska Ísland. Þetta er frábært lið."
„Þetta hefur verið draumur. Ég hef aldrei unnið svona mikið áður. Að koma úr háskóla var þetta frábær leið til að byrja atvinnumannaferilinn."
Samantha er að verða samningslaus og líklegt er að hún muni reyna fyrir sér á stærri vettvangi.
„Ég hef hugsað um stöðuna og það er eitthvað sem gæti gerst. Við sjáum til. Ég er einbeitt á að klára tímabilið og við eigum líka Evrópuleiki framundan," sagði Samantha en er einhver möguleiki á þriðja árinu á Íslandi?
„Ég veit það ekki, við sjáum til."
Allt viðtalið má sjá í spilaranum hér fyrir ofan.
Athugasemdir
