Diego Simeone hefur verið við stjórnvölinn hjá Atletico Madrid í næstum því átta ár og er kominn í hóp goðsagnakenndra þjálfara á Spáni.
Hann er fimmti þjálfari í sögu spænsku deildarinnar til að stýra sama félagsliði í 300 deildarleikjum eða meira.
Miguel Munoz, sem stýrði Real Madrid frá 1960 til 1974 á flesta leiki að baki með sama liðinu eða 424.
Á eftir honum koma Luis Aragones með 407 leiki að baki hjá Atletico Madrid, John Toshack sem á 322 að baki með Real Sociedad og Johan Cruyff sem stýrði Barcelona í 300 deildarleikjum.
Atletico gerði 1-1 jafntefli við Sevilla í 300. deildarleiknum og er í þriðja sæti, einu stigi á eftir toppliðunum.
Athugasemdir
