8-liða úrslit Íslandsmótsins í Futsal fóru fram í gær og eru undanúrslitaleikirnir á dagskrá í dag.
Sameinað lið Aftureldingar og Hvíta riddarans skóp stærsta sigurinn, eða 15-7 gegn Snæfelli. Magnús Már Einarsson, þjálfari meistaraflokks Aftureldingar og ritstjóri Fótbolta.net, skoraði þrennu í leiknum.
Mosfellingar munu etja kappi við Víking Ólafsvík í undanúrslitum eftir 6-3 sigur þeirra gegn KFR í gærkvöldi.
Ríkjandi meistarar í Vængjum Júpíters eru einnig komnir áfram eftir sigur gegn Elliða sem hafðist á lokakafla leiksins. Vængirnir voru 1-2 undir þar til þeir skoruðu fjögur í lokin og unnu 5-2.
Vængirnir eiga áhugaverðan leik framundan gegn Ísbirninum sem lagði sameinað lið Leiknis R. og KB að velli í gær.
Afturelding/Hvíti 15 - 7 Snæfell
Vængir Júpíters 5 - 2 Elliði
Víkingur Ó. 6 - 3 KFR
Leiknir/KB 2 - 4 Ísbjörninn
Athugasemdir