Norski stjórinn Ole Gunnar Solskjær staðfesti það við fjölmiðla eftir markalausa jafntefli við Wolves í kvöld að Paul Pogba væri ekki á förum í janúar.
Það hefur allt verið afar dularfullt í kringum Pogba en hann hefur lítið komið við sögu síðustu tvo mánuði eða svo vegna meiðsla á ökkla.
Hann var í leikmannahópnum gegn Newcastle og Watford í lok desember en var svo óvænt ekki í hópnum gegn Burnley. Þá staðfesti Solskjær að Pogba yrði frá í alla vega þrjár til fjórar vikur og að föruneyti franska landsliðsmannsins hafi ráðlagt honum að fara í aðgerð.
Mino Raiola, umboðsmaður Pogba, hefur talað afar illa um Man Utd í fjölmiðlum en Solskjær segir leikmanninn þó ekki á förum í þessum glugga.
„Pogba fer ekkert í janúar," sagði Solskjær en hann var einnig spurður út í Raul Jimenez, framherja Wolves.
„Þetta er enn einn frábæri leikmaðurinn sem orðaður við okkur. Hann gerði vel í dag en ég get hins vegar ekki talað um einhverjar svona sögur," sagði hann ennfremur.
Nuno Espirito Santo, stjóri Wolves, var einnig spurður út í þann orðróm að Jimenez væri á leið til United.
„Þetta er í fyrsta sinn sem ég heyri þetta en glugginn er opinn og þegar hann er opinn getur allt gerst. Við erum hæstánægðir með að hafa Raul hjá okkur," sagði Santo.
Athugasemdir