Landsliðsmarkvörðurinn Rúnar Alex Rúnarsson er sagður vera á förum frá Arsenal áður en félagaskiptaglugginn lokar.
Í enskum fjölmiðlum er talað um það að félög frá Tyrklandi séu áhugasöm um að fá Rúnar Alex í sínar raðir og það sé líklegt að hann endi þar.
Rúnar Alex fór með Arsenal í æfingaferð til Bandaríkjanna á dögunum en hann virðist ekki eiga mikla framtíð hjá félaginu samt sem áður. Í besta falli verður hann markvörður númer þrjú hjá félaginu.
En það er líklegast að hann fari út á láni og er talað um Tyrkland sem mögulegan áfangastað núna.
Íslenski landsliðsmarkvörðurinn var á láni hjá Leuven í Belgíu á síðustu leiktíð og stóð sig vel þar.
Athugasemdir