Guðmundur Benediktsson, eða Gummi Ben, greindi frá því á X-inu rétt í þessu að Ibrahimagic, leikmaður Vestra, sé að gangi í raðir Víkings Reykjavík.
Ibrahimagic kom til Vestra fyrir tímabilið frá danska C deildar liðinu Naestved og hefur spilað 15 deildarleiki fyrir Vestfirðinga.
Vestri er á botni deildarinnar eins og staðan er í dag þegar 16 leikir eru búnir. Ibrahimagic er ekki eini leikmaður Vestra sem er á förum í sumarglugganum þar sem Toby King er á leiðinni til Gibraltar.
Víkingar unnu Egnatia í seinni leik liðanna í evrópueinvíginu þar sem Víkingar fóru áfram. Þeir eru einnig á toppi deildarinnar og komnir í bikarúrslitin. Víkingar eru með einn besta mannskap sem menn muna eftir í efstu deild á Íslandi en þeir eru að missa menn í meiðsli eins og fylgir álaginu.
Ibrahimagic spilar aftarlega á vellinum en getur einnig leyst hafsentinn af.
Víkingar hafa verið að missa miðjumenn sína í meiðsli upp á síðkastið Matti Villa verður frá í nokkrar vikur og Erlingur Agnarsson og Nikolaj Hansen voru ekki með í leiknum gegn Egnatia. Pablo Punyed fór þá meiddur af velli í Egnatia leiknum.
