Ásgerður Stefanía Baldursdóttir, miðjumaður Vals, er ekki með liðinu í HJK Helsinki í Meistaradeildinni en leikur liðanna er í gangi á Origo-vellinum.
Ásgerður er ófrísk en þetta staðfesti hún í samtali við mbl.is. Ásgerður á eitt barn fyrir með knattspyrnumanninum Almarri Ormarssyni sem er fyrirliði KA í efstu deild karla.
Hin 33 ára gamla Ásgerður hefur á ferli sínum leikið 251 leik í efstu deild með Val, Stjörnunni og Breiðabliki.
Hún hefur fimm sinnum orðið Íslandsmeistari á ferlinum en hún vann titilinn með Val í fyrra.
Ásgerður er komin sextán vikur á leið og því ljóst að hún mun líklegast missa af öllu næsta tímabili með Valskonum næsta sumar.
Athugasemdir