Markvarsla og vörn
Útlit er fyrir að Martin Dubravka markvörður geti verið nokkuð rólegur með sína stöðu en varnarleikur Newcastle hefur verið afskaplega dapur og fyrir framan hann má búast við miklum breytingum.

Lucas Digne, bakvörður Everton, er orðaður við Newcastle en gæti fengið samkeppni frá Chelsea um franska landsliðsmanninn þar sem Ben Chilwell er meiddur.

Jamaal Lascelles gæti haldið sæti sínu. Newcastle hefur verið orðað við Hollendinginn Sven Botman hjá Lille en nýjustu fréttir herma þó að franska félagið ætli ekki að selja hann í janúar.

Möguleiki er á að Tosin Adarabioyo gæti komið frá Fulham en hann stóð sig vel í ensku úrvalsdeildinni á síðasta tímabili.

Miðja
Eitt af forgangsmálum Newcastle er að fá inn varnartengilið til að aðstoða öftustu línu. Liðið hefur fengið á sig 42 mörk í 19 leikjum. Boubacar Kamara miðjumaður Marseille er orðaður við liðið en samningur hans við franska félagið rennur út næsta sumar. Joelinton hefur staðið sig vel á miðjunni en hvort hann sé langtímalausn er óvíst.

Hollendingurinn Donny van de Beek hjá Manchester United er ósáttur við lítinn spiltíma og Newcastle gerir mögulega tilboð.

Sókn
Það hafa ekki verið margir ljósir punktar á tímabilinu hjá Newcastle en Callum Wilson og Allan Saint-Maximin hafa séð til þess að liðið sé ekki í enn verri málum. Báðir eru þeir þó meiðslagjarnir.

Það er hægara sagt en gert að fá almennilegan sóknarmann til að skella sér í fallbaráttu. Gabriel Barbosa, Gabigol, hefur skorað eins og enginn sé morgundagurinn fyrir Flamengo. Hann vill komast aftur til Evrópu efitir misheppnaða dvöl há Inter.