Það vakti athygli fyrr í vetur þegar Ole Gunnar Solskjær sagði á blaðamannafundi að hann ætti von á því að Sanchez yrði áfram, Norðmaðurinn virðist enn hafa trú á því að Sanchez muni sýna sitt rétta andlit hjá Manchester United.

Cooper telur að Rauðu djöflarnir séu á öðrum og betri stað en þegar Sanchez fór síðasta sumar og það gæti því hentað betur fyrir hann að koma inn í United liðið núna.

„United er allt annar staður núna en þegar Sanchez fór frá félaginu á láni til Inter á síðasta ári. Eins og Solskjær hugsar þetta þá er liðið á langri vegferð og það er enn frekar löng leið eftir, öll stemning í kringum liðið hefur hins vegar breyst til hins betra."

„Sanchez þurfti að ganga í gegnum ýmistlegt eftir komu hans til félagsins, væntingarnar voru miklar og peninga umræðan sem fylgdi öllu í kringum skiptin hefur haft sitt að segja líka varðandi væntingarnar. Hann átti í deilum við Mourinho sem fékk hann til félagsins og svo kom nýr stjóri með nýjar hugmyndir. Af einhverri ástæðu hefur hann ekki náð að finna sig hjá United með alla pressuna á herðum sér," sagði James Cooper.

Sanchez, sem að öllu óbreyttu snýr aftur til Manchester United í sumar, á enn tvö ár eftir af samningi sínum á Old Trafford, það verður áhugavert að fylgjast með því hvort Ole Gunnar Solskjær standi við orð sín og gefi Sanchez annað tækifæri á næsta tímabili.