Guardiola segir að Dortmund borgi umboðsmönnum mjög mikinn pening fyrir að finna unga og efnilega leikmenn.

Þá sagði hann að leikmannahópur Dormund væri frábær en liðin mætast á Etihad vellinum á morgun.

„Ég mun ekki finna einn leikmann í hópnum hjá Dortmund sem er ekki með gæði," sagði Pep.

„Þeir eyða miklum pening í unga leikmenn og borga umboðsmönnum mikla peninga til að ná í þessa leikmenn til liðsins því þeir hafa mikla hæfileika."

Erling Braut Haaland kostaði um sautján milljónir punda þegar Dortmund fékk hann frá Red Bull Salzburg en Mino Raiola, umboðsmaður leikmannsins, er sagður hafa fengið mjög háa upphæð fyrir skiptin.