Ítalski bakvörðurinn Alessandro Florenzi hefur staðið sig frábærlega með PSG frá komu sinni að láni frá Roma síðasta haust.
Hann verður þó ekki með í næstu leikjum Frakklandsmeistaranna eftir að hann greindist með Covid.
Bakvörðurinn er kominn í einangrun sem mun vara í tíu daga og því missir hann af gríðarlega mikilvægum leikjum gegn FC Bayern í 8-liða úrslitum Meistaradeildarinnar.
Þetta er mikill skellur fyrir PSG sem mun líklegast nota Colin Dagba eða Thilo Kehrer til að fylla í skarðið. Þeir eru báðir taldir talsvert lakari heldur en Florenzi.
Hægri bakvörður PSG mun mæta vinstri kanti Bayern í Meistaradeildinni. Það verður gríðarlega erfitt verkefni þar sem Bayern er með leikmenn á borð við Serge Gnabry, Kingsley Coman og Leroy Sane á sínum snærum.
Athugasemdir
