Leikur Fram og Vestra fór fram í dag. Framarar unnu yfirburðar 4-0 sigur á Vestramönnum. Jón Þórir Sveinsson, þjálfari Fram, var mjög sáttur með frammistöðuna hjá sínum mönnum.
Lestu um leikinn: Fram 4 - 0 Vestri
„Er bara mjög ánægður, við mættum til leiks og höfðum fulla stjórn á honum allan tímann fannst mér. Sanngjarn 4-0 sigur.'' segir Jón Þórir eftir sigur á móti Vestra.
''Leikplanið var bara að vinna leikinn. Það voru ákveðin 'moment' í leiknum sem við vissum að við gátum nýtt okkur og mér fannst við hafa gert það ágætlega. Við náðum að komast mikið upp á bakvið bakverðina og hefðum geta skorað fleiri mörk. En heilt yfir bara keyra svoldið á þá á heimavelli, hátt tempo og klára leikinn.''
Nonni var spurður um hvað honum fannst um að vera á toppnum eftir 5 leiki.
„Það er bara frábært og eitthvað sem við ætlum okkur. Þetta er búið að gang vonum framar og vera með fullt hús stiga er ekki sjálfgefið en ég held að við eigum það skilið að hafa unnið þessa leiki útaf við höfum bara lagt það í þá sem til hefur þurft og verið betra liðið í þeim öllum.''
Nonni var svo spurður um hvort liðið væri tilbúið fyrir næsta leik á móti Selfossi.
„Selfoss er mjög flott lið og hafa sýnt það í sínum leikjum að þeir gefast ekki upp eins og jafnteflið á móti Gróttu. Þannig við þurfum að vera tilbúnir í þann leik ef við ætlum að fá eitthvað út úr honum.''
Hægt er að horfa á allt viðtalið fyrir ofan.
Athugasemdir
