Vivianne Miedema gekk til liðs við Manchester City frá Arsenal á dögunum en hún stefnir hátt með Manchester liðinu.
Miedema hefur verið að glíma við meiðsli undanfarna mánuði og tímabil. Hún hefur byrjað átta deildarleiki seinustu tvö tímabil útaf meiðslunum.
Stórlið í Evrópu höfðu áhuga á hollendingnum en hún var staðráðin í því að halda áfram að spila í Englandi. Hún kom til Man City á frjálsri sölu frá Arsenal.
Talið er að hún vilji halda áfram að spila á Englandi því hún vill vera markahæsti leikmaður í sögu efstu deildar á Englandi.
‚Seinustu tvö tímabil hafa verið erfið fyrir mig en það hjálpaði mér að spila fyrir landsliðið mitt í sumar. Vonandi get ég hjálpað liðinu með reynslunni sem ég bý yfir. Ég get ennþá spilað fótbolta en vonandi get ég hjálpað stelpunum að vinna deildina í vetur. Ég stefni að sjálfsögðu á titilinn.‘ sagði Miedema sem var kynnt í Manchester sem nýr leikmaður ásamt Savinho, nýjasta leikmanni karlaliðsins.
Opnunarleikur City á næsta tímabili er gegn Arsenal 22. september í London.
