Það var fyrirsjáanlegt í sumar að Liverpool þyrfti að bæta miðjumanni við hópinn fyrir tímabilið.

Jürgen Klopp, stjóri Liverpool, viðurkenni það svo seint í ágúst að þetta hafi verið rétt metið og var því reynt að fá miðjumann undir lok gluggans.

Liverpool fékk brasilíska miðjumanninn Arthur á láni frá Juventus og á félagið möguleika á að kaupa hann fyrir rúmar 30 milljónir punda á lánstímanum.

Samkvæmt Calciomercato var Arthur ekki efstur á listanum, heldur var það liðsfélagi hans hjá Juventus, Denis Zakaria, sem endaði á að fara til Chelsea á láni.

Liverpool hafði samband við Juventus og óskaði eftir því að fá Zakaria. Félagið komst hins vegar ekki að samkomulagi við leikmanninn né ítalska félagið og varð því ekkert úr því.

Arthur kom inn í staðinn en leikstíll hans svipar til Thiago, sem er þessa stundina frá vegna meiðsla.

Brasilíumaðurinn var á bekknum gegn Everton um helgina en kom ekki við sögu.