AS Roma er búið að staðfesta félagaskipti Chris Smalling frá Manchester United. Roma er talið greiða um 20 milljónir evra fyrir félagaskiptin, 15 strax og 5 í árangurstengdar aukagreiðslur.
Smalling var frábær í hjarta varnarinnar hjá Roma á síðustu leiktíð og var meðal bestu varnarmanna Serie A. Liðinu sárvantaði annan miðvörð fyrir krefjandi tímabil í deildinni og Evrópu.
Á tímabili litu skiptin ekki út fyrir að ætla að ganga í gegn þar sem félögin komust ekki að samkomulagi um kaupverð. Roma gaf sig á endanum og samþykkti kröfur Rauðu djöflanna.
Samkomulagið náðist svo seint að Rómverjar rétt náðu að senda pappírana til að staðfesta skiptin fyrir lok félagaskiptagluggans. Klukkuna vantaði eina mínútu í lokun þegar pappírarnir bárust.
Smalling, sem verður 31 árs í nóvember, hefur spilað yfir 300 leiki fyrir Man Utd og á 31 landsleik að baki fyrir England.
After 10 years of service at Old Trafford, @ChrisSmalling has left #MUFC to join Roma on a permanent deal.
— Manchester United (@ManUtd) October 5, 2020
Thank you and good luck in Italy, Chris ❤️
Athugasemdir