England: Gylfi kom við sögu í janftefli

Jóhann Berg Guðmundsson var ekki í leikmannahópi Burnley sem tók á móti Everton í fyrsta leik dagsins í ensku úrvalsdeildinni.

Heimamenn byrjuðu á því að skora strax á þriðju mínútu. Robbie Brady átti þá gott skot utan vítateigs sem rataði í netið.

Everton átti í erfiðleikum með að brjóta vörn Burnley á bak aftur en Dominic Calvert-Lewin tókst að jafna skömmu fyrir leikhlé. Hann fékk þá sendingu frá Richarlison og skoraði af stuttu færi.

Everton var betra liðið í leiknum en náði ekki að gera sigurmark. Gylfi Þór Sigurðsson kom inn á 81. mínútu og komst nálægt því að gera sigurmarkið í uppbótartíma en Nick Pope varði með fætinum.

Lokatölur 1-1 og Everton í sjöunda sæti með 17 stig eftir 11 umferðir. Burnley er í fallsæti með 6 stig eftir 10 leiki.