Smolov hefur leikið 39 landsleiki fyrir Rússland.
Rússneski sóknarmaðurinn Fedor Smolov sem spilar með Celta Vigo á yfir höfði sér refsingu fyrir að brjóta reglur með því að yfrgefa Spán og halda heim til Rússlands.
Smolov er þrítugur en hann flaug með einkaþotu til að vera viðstaddur átján ára afmælisveislu kærustu sinnar. Kærastan, Maria Yumasheva, er afabarn Boris Yeltsin, fyrrum Rússlandsforseta.
Smolov er þrítugur en hann flaug með einkaþotu til að vera viðstaddur átján ára afmælisveislu kærustu sinnar. Kærastan, Maria Yumasheva, er afabarn Boris Yeltsin, fyrrum Rússlandsforseta.
Smolov er annar leikmaður Celta Vigo sem yfirgefur sóttkví en danski framherjinn Pione Sisto braut reglurnar í síðustu viku.
„Leikmaðurinn bað ítrekað um leyfi til að ferðast til Rússlands af persónulegum ástæðum. Félagið gat ekki gefið honum leyfi því La Liga leyfir þetta ekki," segir talsmaður Celta Vigo um ferðalag Smolov til Rússlands.
Smolov og Yumasheva trúlofuðu sig í janúar.
Spánn er að fara inn í sína fjórðu viku í útgöngubanni en bannið hefur verið framlengt til 26. apríl til að hindra útbreiðslu kórónaveirunnar. Yfir 12 þúsund manns hafa látist af völdum sjúkdómsins á Spáni.
Athugasemdir
