Rafael Victor í Hött/Hugin (Staðfest)
Rafael Victor.
Mynd: Fótbolti.net - Hafliði Breiðfjörð
Rafael Victor.
Mynd: Fótbolti.net - Hafliði Breiðfjörð
Höttur/Huginn hefur fengið mikinn liðsstyrk fyrir átökin í 2. deild karla í sumar.
Portúgalski sóknarmaðurinn Rafael Victor er kominn aftur til landsins og er búinn að semja við félagið.
Portúgalski sóknarmaðurinn Rafael Victor er kominn aftur til landsins og er búinn að semja við félagið.
Hann spilaði með Þrótti í næst efstu deild sumarið 2019 og stóð sig virkilega vel. Hann skoraði tólf mörk í 21 leik í það sem þá hét Inkasso-deildin. Hann gerði einnig eitt mark í tveimur bikarleikjum með Þrótturum.
Í sumar verður hann andstæðingur Þróttar í 2. deild.
„Hann er sturlaður. Þeir voru að spila æfingaleik við Magna um daginn og hann skoraði tvö. Hann lítur vel út," sagði Gylfi Tryggvason í Ástríðunni.
Höttur/Huginn komust upp úr 3. deild í fyrra og verður athyglisvert að sjá hvernig þeim vegnar í 2. deild í sumar. Þessi öflugi sóknarmaður kemur allavega til með að hjálpa þeim heilmikið ef hann nær að sýna sínar bestu hliðar.
Í sumar verður hann andstæðingur Þróttar í 2. deild.
„Hann er sturlaður. Þeir voru að spila æfingaleik við Magna um daginn og hann skoraði tvö. Hann lítur vel út," sagði Gylfi Tryggvason í Ástríðunni.
Höttur/Huginn komust upp úr 3. deild í fyrra og verður athyglisvert að sjá hvernig þeim vegnar í 2. deild í sumar. Þessi öflugi sóknarmaður kemur allavega til með að hjálpa þeim heilmikið ef hann nær að sýna sínar bestu hliðar.
