Katrín um landsliðið: Ef maður er í hópnum þá er maður bara glaður

Stjarnan fer til Vestmannaeyja á föstudaginn og mætir ÍBV í bikarnum. Það leggst mjög vel í Katrínu að fara aftur til Eyja, en Stjarnan fór til Eyja í 1. umferð Bestu-deildarinnar þar sem liðin skildu jöfn 1-1.

„Alltaf gaman að koma til eyja og gaman að spila á þeim velli. Þannig við erum bara spenntar fyrir því verkefni."

Það styttist í EM en Katrín segist ekki gera sér vonir um sæti í landsliðshópnum.

„Engar vonir, ég bara treysti Steina til að velja réttan hóp. Ef maður er í hópnum þá er maður bara glaður," sagði Katrín.