Patrick Kluivert var hjá Barcelona í sex ár.
Franska félagið Lyon er að ganga frá kaupum á Ruben Kluivert, yngri bróður Justin Kluivert kantmanni Bournemouth.
Bræðurnir eru hollenskir synir sóknarmannsins fræga Patrick Kluivert.
Ruben Kluivert er 24 ára miðvörður sem Lyon er að borga um 4 milljónir evra til að kaupa úr röðum Casa Pia í Portúgal.
Ruben gerir fimm ára samning við Lyon en hann hefur leikið fyrir Utrecht og Dordrecht á fótboltaferlinum.
Þeir eru fleiri Kluivert bræður sem spila fótbolta. Quincy Kluivert er elstur en hann leikur fyrir Zeeburgia á meðan Shane er yngstur og er partur af La Masia akademíunni í Barcelona.
Athugasemdir
