Ragnar Bragi Sveinsson.
Athygli vakti að Ragnar Bragi Sveinsson fyrirliði Fylkis byrjaði á bekknum í 3-0 tapinu gegn Breiðabliki í kvöld. Ragnar Bragi er lykilmaður í Fylkisliðinu og valinn maður leiksins í leiknum á undan.
Ástæðan fyrir því að Ragnar Bragi byrjaði á bekknum var sú að Fylkismenn héldu að hann ætti að vera í leikbanni í kvöld og hann var því ekki hluti af undirbúningi fyrir leikinn.
Ástæðan fyrir því að Ragnar Bragi byrjaði á bekknum var sú að Fylkismenn héldu að hann ætti að vera í leikbanni í kvöld og hann var því ekki hluti af undirbúningi fyrir leikinn.
Lestu um leikinn: Breiðablik 3 - 0 Fylkir
Ragnar Bragi hefur safnað fjórum gulum spjöldum, en bannið tekur hinsvegar ekki gildi fyrr en í hádeginu á morgun eftir úrskurð aganefndar fyrr í dag. Hann verður því í banni gegn KA um næstu helgi.
„Við héldum að hann væri að fara í leikbann því hann var kominn með fjögur gul í síðustu umferð. Við héldum að hann væri í banni og vorum búnir að setja leikinn upp þannig að hann væri ekki í liðinu. Við vorum ekki að breyta því," sagði Rúnar Páll Sigmundsson þjálfari Fylkis í viðtali við Gunnlaug Jónsson á Stöð 2 Sport í kvöld.
Ragnar Bragi kom inn af bekknum á 61. mínútu, í stöðunni 2-0 fyrir Breiðabliki.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 21 | 14 | 4 | 3 | 48 - 25 | +23 | 46 |
| 2. Víkingur R. | 20 | 13 | 4 | 3 | 47 - 23 | +24 | 43 |
| 3. Valur | 21 | 10 | 5 | 6 | 49 - 32 | +17 | 35 |
| 4. FH | 21 | 9 | 5 | 7 | 36 - 35 | +1 | 32 |
| 5. ÍA | 21 | 9 | 4 | 8 | 40 - 31 | +9 | 31 |
| 6. Stjarnan | 21 | 9 | 4 | 8 | 39 - 35 | +4 | 31 |
| 7. KA | 21 | 7 | 6 | 8 | 32 - 37 | -5 | 27 |
| 8. Fram | 21 | 7 | 5 | 9 | 28 - 29 | -1 | 26 |
| 9. KR | 20 | 5 | 6 | 9 | 34 - 39 | -5 | 21 |
| 10. HK | 21 | 6 | 2 | 13 | 23 - 51 | -28 | 20 |
| 11. Vestri | 21 | 4 | 6 | 11 | 22 - 42 | -20 | 18 |
| 12. Fylkir | 21 | 4 | 5 | 12 | 26 - 45 | -19 | 17 |
Athugasemdir
