Þróttur Reykjavík vann sinn þriðja sigur í sumar í Lengjudeild karla í dag er liðið fékk Vestra í heimsókn í 14. umferð deildarinnar.
Þróttarar unnu nýlega óvæntan 2-1 útisigur á Leikni Reykjavík og fögnuðu aftur þremur stigum í dag eftir tvo leiki án sigurs.
Dion Acoff var fljótur að stimpla sig inn í leik dagsins og kom heimamönnum yfir eftir aðeins sjö mínútur. Staðan var orðin 2-0 á 20. mínútu er Esau Rojo Martinez skoraði annað mark Þróttara.og útlitið bjart.
Ignacio Gil Echevarria lagaði stöðuna fyrir Vestra í síðari hálfleik en fleiri urðu mörkin ekki og 2-1 sigur Þróttara staðreynd.
Þróttur er komið úr fallsæti eftir sigurinn og er með 11 stig í 10. sæti deildarinnar. Vestri situr í því sjöunda með 19 stig.
Á sama tíma áttust við Afturelding og Leiknir F. og þar vann Afturelding virkilega góðan sigur á útivelli, 3-1.
Leiknir komst í 1-0 eftir aðeins þrjár mínútur fyrir austan en gestirnir sneru leiknum sér í vil og höfðu að lokum betur.
Afturelding er með 15 stig í áttunda sæti deildarinnar og situr Leiknir í fallsæti þegar 14 umferðir eru búnar hjá flestum liðum.
Þróttur R. 2 - 1 Vestri
1-0 Dion Jeremy Acoff ('7 )
2-0 Esau Rojo Martinez ('20 , víti)
2-1 Ignacio Gil Echevarria ('64 )
Rautt spjald: Friðrik Þórir Hjaltason , Vestri ('90)
Lestu nánar um leikinn hér
Leiknir F. 1 - 3 Afturelding
1-0 Izaro Abella Sanchez ('3 )
1-1 Kári Steinn Hlífarsson ('40 )
1-2 Endika Galarza Goikoetxea ('68 )
1-3 Kári Steinn Hlífarsson ('71 )
Lestu nánar um leikinn hér
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir