Mark í uppbótartíma gerði það að verkum að Ísland tapaði á sárgrætilegan hátt gegn Hollandi í hreinum úrslitaleik um sæti á HM. Eina mark leiksins kom í uppbótartíma.
„Þetta er grátlega svekkjandi, við vorum einni mínútu frá því að komast á HM. Við vorum mjög slakar og heppnar í fyrri hálfleik. Við vorum heppnar að hafa Söndru þarna fyrir aftan okkur," sagði Glódís Perla Viggósdóttir eftir leik.
„Svo voru það stangirnar og sláin. Það var eiginlega allt að bjarga okkur. Svo fáum við þetta ógeðslega mark á okkur lokin."
HM draumurinn er enn staðar en Ísland þarf að koma sér í gegnum umspil.
„Við megum ekki dvelja of lengi við þetta. Við erum enn með sama markmið," sagði Glódís en viðtalið má sjá í heild í sjónvarpinu hér að ofan.
Athugasemdir
