Besta deild kvenna: Misnotuð vítaspyrna og sjálfsmark í hörkuleik í Kópavogi

Breiðablik fékk Stjörnuna í heimsókn í síðasta leik sjöundu umferðar Bestu deildar kvenna á Kópavogsvöllinn í kvöld.

Liðin voru í 3. og 4. sæti deildarinnar fyrir leikinn. Blikar með 12 stig og Stjörnukonur með 10 stig.

Staðan var markalaus í hálfleik en gestirnir komust yfir eftir klukkutíma leik þegar Andrea Mist Pálsdóttir skoraði beint úr hornspyrnu.

Eftir markið kom svo sannarlega líf í leikinn en tæpum 10 mínútum eftir markið fékk Breiðablik vítaspyrnu. Agla María Albertsdóttir steig á punktinn en hún skaut boltanum í utanverða stöngina og framhjá.

Stuttu síðar náðu Blikar að jafna metin þegar Málfríður Erna Sigurðardóttir fékk fyrirgjöf í andlitið og boltinn fór í netið.

Stjörnukonur hefðu getað tekið öll stigin þegar Gunnhildur Yrsa átti fyrirgjöf á kollinn á Jasmín Erlu en boltinn fór rétt framhjá.