Patrik Sigurður Gunnarsson, markvörður unglingaliðs Brentford, hefur verið lánaður til danska félagsins Viborg út leiktíðina.
Patrik gekk í raðir Brentford fyrir tveimur árum en hann er uppalinn hjá Breiðabliki.
Hann þykir mikið efni og hefur spilað 22 leiki fyrir yngri landslið Íslands og er í A-landsliðshópnum sem mætir Belgíu annað kvöld.
Patrik hefur aðeins spilað einu sinni fyrir Brentford en á síðustu leiktíð var hann lánaður til Southend United í C-deildinni. Þar spilaði hann þó aðeins þrjá leiki áður en keppni var stöðvuð vegna Covid.
Viborg leikur í B-deild danska boltans og endaði liðið í öðru sæti á síðustu leiktíð með 59 stig úr 33 umferðum, níu stigum eftir toppliði Vejle.
✍️ Velkominn @patrikgunnars 🧤🇮🇸
— Viborg FF ☘️ (@viborgff) September 7, 2020
🔗 https://t.co/TuXZWLb967#viborgff pic.twitter.com/kNfD1SGIDw
Athugasemdir