Angel Gomes, miðjumaður Lille, segir að það yrði erfitt að hafna Man Utd ef hann fengi tækifæri til að snúa aftur til félagsins.
Gomes er 24 ára gamall en hann er uppalinn hjá Man Utd. Hann gekk til liðs við Lille árið 2020 en hann lék tíu leiki fyrir Man Utd á sínum tíma.
Hann hefur verið orðaður við Man Utd undanfarið.
„Það verður alltaf sterk tilfinningaleg tengsl þarna svo það væri auðvitað erfitt að segja nei," sagði Gomes.
„Eins frábært og það væri, eftir að ég fann gleðina erlendis, þá veit ég að úrvalsdeildin er ekki nafli alheimsins."
Athugasemdir
